Xorvatiyanın “Dinamo” (Zaqreb) klubunun zədəli futbolçularının durumuna aydınlıq gəlib.
İdmanxeber.az-ın məlumatına görə, “Qarabağ”la ilk görüşdə zədə alan Stefan Ristovskinin Bakıdakı matçda iştirak etməyəcəyi dəqiqləşib.
Komandanın digər üzvü – Ariyan Ademinin isə oynaması sual altındadır. Xorvatiya çempionatının IV turunun “Qoritsa” ilə oyununda başından zərbə alan Sami Mmainin durumu isə qənaətbəxşdir.
Avqustun 28-də Tofiq Bəhramov adına Respublika stadionunda keçiriləcək “Qarabağ” – “Dinamo” qarşılaşması saat 20:45-də başlayacaq.