UEFA Avropa Liqası Liqa mərhələsinin V turunda baş tutacaq “Beşiktaş” – “Makkabi” matçı İstanbulda keçirilməyəcək.
Türkiyə tərəfinin müraciətini nəzərə alaraq UEFA belə bir qərar verib. İki ölkə arasındakı gərgin münasibətə görə, Türkiyə hökümətinin bu addımı atdığı bildirilir.
Bir neçə gündür matçın Azərbaycanda baş tuta biləcəyi vurğulanır. Bununla bağlı AFFA-nın mətbuat katibi Elnur Məmmədli ilə əlaqə saxladıq. O, məsələylə bağlı İdmanxeber.az saytına qısa açıqlama verdi:
“AFFA-ya bununla bağlı hər hansı müraciət daxil olmayıb”.