17 Avqust 2022
Ölkə futbolu

AFFA-dan sərt cəzalar: Elnur Allahverdiyev oynamaya-oynamaya 5 oyunluq cəzalandırıldı

Bu gün AFFA İntizam Komitəsinin növbəti iclası keçirilib.

İdmanxeber.com-un AFFA-nın rəsmi saytına istinadən verdiyi məlumata görə, qurum Azərbaycan kubokunun yarımfinal mərhələsində baş vermiş qayda pozuntularına hüquqi qiymət verib.

Azərbaycan kubokunun 1/2 final mərhələsinin “Neftçi” – “Rəvan” matçının 52-ci dəqiqələrində “Neftçi” klubunun azarkeşləri tərəfindən pirotexniki vasitələr istifadə edildiyi üçün klub 1000 manat cərimə olunub.

Oyun başa çatdıqdan sonra “Neftçi” klubunun azarkeşləri meydanı tərk edən rəqibin futbolçularına əşyalar atıqları üçün klub 2000 manat cərimə olunub.

Oyun başa çatdıqdan sonra dəhlizdə kənar şəxslər olduğu və təhlükəsizlik təmin olunmadığına görə “Neftçi” klubu 5000 manat cərimə olunub.

Azərbaycan kubokunun 1/2 final mərhələsinin “Qəbələ” – “Xəzər Lənkəran” matçının 1 və 2-ci dəqiqələrində “Qəbələ” klubunun azarkeşləri, 42-ci dəqiqəsində “Xəzər Lənkəran” klubunun azarkeşləri tərəfindən pirotexniki vasitələrdən istifadə edildiyi üçün hər iki klub 1000 manat cərimə olunub.

Oyunun 5-ci və 8-ci dəqiqələrində “Qəbələ” klubunun azarkeşləri tərəfindən meydançaya kənar əşyalar atıldığı üçün klub 2000 manat cərimə olunub.

Oyunun 63-cü dəqiqəsində “Qəbələ” klubunun məşqşisi Andrey Syomin texniki zona qaydalarını pozduğuna görə meydandan kənarlaşdırıldığı üçün 1 oyunluq cəzalanıb, klub 1000 manat cərimə olunub.

Oyundan əvvəl cəzalı olduğu üçün matçda iştirak etmək hüququ olmayan “Qəbələ” klubunun futbolçusu Elnur Allahverdiyev geniş kütlə qarşısında oyunun baş hakimini təhqir etdiyinə görə 5 oyunluq cəzalanıb, klub 10000 manat cərimə olunub. Futbolçuya verilmiş 5 oyunluq cəza Premyer Liqa matçlarına şamil edilib.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43

Related posts

Böyükağa Hacıyev futbolçulara “təşəkkür” etdi: “Artıq bu futbolçular “doyub”

admin

“Qarabağ”da yeni müqavilə

admin

AFFA Mustafa Dənizli ilə təklikdə söhbət aparacaq

admin