Kateqoriyasız

AFFA ermənilərin təxribatına görə FIFA və UEFA-ya müraciət edəcək

AFFA Ermənistan və Almaniyanın futbol üzrə milli komandaları arasında noyabrın 14-də İrəvanda keçirilən qarşılaşma zamanı ermənilərin törətdikləri təxribatla bağlı FİFA və UEFA-ya müraciət edəcək.

İdmanxeber.az xəbər verir ki, bunu “Report”un sorğusuna cavab olaraq milli assosiasiyanın Mətbuat və ictimaiyyətlə əlaqələr şöbəsinin müdiri Firuz Abdulla deyib.

Onun sözlərinə görə, hər dəfə belə hal baş verəndə FIFA və UEFA-ya müvafiq müraciətlər göndərilir.

Qeyd edək ki, 2022-ci il dünya çempionatının seçmə oyunu zamanı ermənilər təxribat törədib. Azarkeşlər Azərbaycanın Qarabağ bölgəsində əvvəllər mövcud olmuş separatçı-terrorçu rejimin tör-töküntülərinin “bayrağ”ını açıblar.

Xatırladaq ki, İrəvandakı qarşılaşma Almaniya yığmasının 4:1 hesablı qələbəsi ilə yekunlaşıb.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43