“Bavariya”nın futbolçusu Leroy Sane karyerasını İngiltərədə davam etdirə bilər.
İdmanxeber.az-ın məlumatına görə, futbolçunun xidmətində “Arsenal” klubu maraqlıdır. London klubu 28 yaşlı yarımmüdafiəçini heyətində görmək istəyir. Artıq tərəflər arasında danışıqların başladığı bildirilir.
Sane 2023/2024 mövsümündə bütün yarışlarda 42 oyunda iştirak edib, 10 qol vurub, 13 məhsuldar ötürmə verib.
Onun müqavilə müddəti 2025-ci il iyunun 30-na qədərdir.