İtaliya A Seriyasının 21-ci turunda “İnter” doğma meydanda “Milan”ı qəbul edib.
İdmanxeber.az-ın məlumatına görə, ev sahibi komanda oyundan 1:0 hesablı qələbə ilə ayrılıb. Görüşün ardından hər iki klubun baş məşqçisi qarşılaşma barədə fikirlərini bildiriblər:
Stefano Pioli (“Milan”ın baş məşqçisi): “Əlbəttə, müdafiədə daha etibarlı oynamaq istəyirdik, bu səbəbdən də geri çəkildik. Yaxşı müdafiə olunduq, amma ötürmələrdə uğursuz idik. Bu səbəbdən də birinci hissədə kifayət qədər əks-hücum qura bilmədik. Təəssüf ki, biz yenə də səhnə əsərinə hazır deyildik. İlk hissədə kifayət qədər hücum etməsək də, fasilədən sonra yaxşılaşdıq. Əminəm ki, öz futbolumuzu göstərsəydik, o zaman rəqibə daha çox problemlər yaranardı. Müəyyən mənada özümüzü məhdudlaşdırdıq, amma daha etibarlı oynadıq və bu, gələcək üçün təməl ola bilər. Aqressiv hərəkət etməli və daha çox hücum etməliyik.
Simeone İnzaqi (“İnter”in baş məşqçisi): “Şübhəsiz ki, əla oyun oldu, bütün oyunçuları təbrik etdim. Onlar qətiyyətli və diqqətli idilər, biz tam üstünlük təşkil etdik. 20 gün ərzində ikinci dəfə derbidə qalib gəlməyi bacardıq. Azarkeşlərimizə bunu yaşatmaq olduqca gözəl bir hissdir. İndi biz inamla irəliyə baxmalıyıq. Çempionlar Liqasının pley-offuna vəsiqə qazanmışıq, İtaliya kubokunda da yolumuza davam edirik. Hamısında sona qədər mübarizə aparmaq niyyətindəyik”.