Araz-Naxçıvan” daha bir futbolçusu ilə yollarını ayırıb.
İdmanxeber.com-un klubun saytına istnadən yaydığı xəbərə görə, ötən mövsüm “Xəzər Lənkəran”dan transfer edilən Akif Tağıyevin müqaviləsi qarşılıqlı razılaşma ilə ləğv edilib.
A.Tağıyevlə sözləşmənin pozulmağına səbəbi isə futbolçunun əvəzedici heyətdə oynamaqdan boyun qaçırmasıdır. Baş məşqçi Əsgər Abdullayevin qərarına əsasən artıq çəkisi olan və formada olmayan Akif Tağıyev əvəzedici heyətlə Qəbələyə yollanmalı idi. Lakin buna etiraz edən futbolçunu rəhbərlik komandadan uzaqlaşdırmağı qərara alıb.