Bu gün Avro-2024-də qrup mərhələsində 3-cü turun növbəti oyunları keçirilib.
İdmabxeber.az-ın məlumatına görə, bu gün 4 matç oynanılıb.D qrupunda Niderland Avstriyaya 2:3 hesabı ilə uduzub, Fransa isə Polşa ilə 1:1 hesablı heç-heçə edib.
Bu nəticələrin ardından Avstriya qrup lideri kimi, Fransa isə 2-ci yerin sahibi kimi 1/8 finala adlayıb.
C qrupunda isə İngiltərə Sloveniya ilə, Danimarka Serbiya ilə 0:0 hesablı bərabərə qalıb.
Bu nəticələrdən sonra İngiltərə 5 xalla qrup 1-cisi, Danimarka 3 xalla qrup 2-cisi olaraq pley-offa yüksəlib.
Sloveniya isə 3-cü yeri tutan ən yaxşı 4 komandadan 1-i kimi növbəti mərhələyə adlayıb.
25 iyun
D qrupu, 3-cü tur
20:00. Niderland – Avstriya – 2:3
Qollar: Qakpo, 47, Depay, 75 – Malen, 6-avtoqol, Şmid, 59, Sabitzer, 80
Baş hakim: İvan Krujlyak (Slovakiya)
Berlin Olimpiya Stadionu
20:00. Fransa – Polşa – 1:1
Qollar: Mbappe, 56-pen. – Levandovski, 79-pen.
Baş hakim: Marko Quida (İtaliya)
Dortmund, “Siqnal İduna Park”
C qrupu, 3-cü tur
23:00. İngiltərə – Sloveniya – 0:0
Baş hakim: Klement Turpin (Fransa)
Köln, “Reyn Enerqi” stadionu
23:00. Danimarka – Serbiya – 0:0
Baş hakim: Fransua Leteksye (Fransa)
Münhen, “Alyans Arena”