Ölkəmizi Konfrans Liqasında təmsil edəcək “Qəbələ” transfer çalışmalarını davam etdirir.
İdmanxeber.az-ın əldə etdiyi məlumata görə, “qırmızı-qaralar” son mövsümü “Visente”də keçirmiş Bilel Auşeriyanı rənglərinə bağlayıb. 29 yaşlı oyunçu 2021-ci ildən Portuqaliya klubunda çıxış edir.
O, bu müddət ərzində komandası ilə 140 oyun keçirib, 7 qol vurub və 5 assit edib.
Bilel karyerası ərzində Portuqaliyanın “Moreyrense”, “Kovilya” və “Sportinq”in əvəzedici heyətində çıxış edib. O, “Sent Etyen”in U-17 və U-19 komandalarında da forma geyinib.