Bu gün start götürəcək Azərbaycan Premyer Liqasında 2015/2016 mövsümünün iki oyunu canlı yayımlanacaq.
İdmanxeber.com qol.az-a istinadən xəbər verir ki, futbolsevərlər "Neftçi" – "Kəpəz" və "Qəbələ" – "Qarabağ" matçlarını Premyer Liqa oyunlarının yayım hüququna yiyələnən CBC telekanalından canlı izləyə biləcəklər.
CBC kanalına "ATV plyus" və KATV rəqəmsal paketlərində baxmaq mümkün olacaq.
Qeyd edək ki, Neftçi” – “Kəpəz” oyunu bu gün, "Qəbələ" – "Qarabağ" matçı isə sabah keçiriləcək. Turun bütün görüşləri saat 21:00-da başlayacaq.