“Bakı” futbol klubunun fəaliyyətini dayandırması ilə bağlı yayılan məlumatlara klubun icraçı direktoru Yaşar Seyidov münasibət bildirib.
İdmanxeber.com-un məlumatına görə, klub rəsmisi maliyyə sıxıntısının olduğunu etiraf edib.
Seyidov saytımıza açıqlamasında bunları dedi:
“Düzdü, hazırda maliyyə sıxıntısı var. Ancaq deyim ki, bu dəqiqə komanda məşq edir və mən də klubun bu məşqini izləyirəm. Əgər yaxın günlərdə bu məsələ həllini tapmasa o zaman çempionatda iştirakımnız sual altında olacaq. Etiraf edim ki, məlum porblemlər bizə çətinlik yaradır. Yəni, çempionatda iştirakımız sual altındadı. Əgər maddi sıxıntımız öz həllini tapmasa çempionatda iştirak edə bilməyəcəyik”.
AFFA-nın “Bakı”ya köməklik edəcəyi ilə bağlı verdiyi vədinə niyə əməl etməməsi ilə bağlı sualımızı Seyidov belə cavablandırdı:
“AFFA bizə bəzi məsələlərdə köməklik edəcəyini bildirmişdi. Buradan Elxan Məmmədova da öz təşəkkürümü bildirirəm. AFFA bizə bütün məsələlərdə yox, bir qisminin həllinə söz vermişdi”.