“Barselona”nın idman direktoru Deku komandanın qışda qapıçı transferi edib-etməyəcəyi ilə bağlı danışıb.
İdmanxeber.az-ın məlumatına görə, klub rəsmisi bu barədə belə açıqlama verib: “Bizim prioritetimiz qarşıdakı 3 il üçün müqaviləsi olan Ter Ştegendir. Onun yerinə heç kimlə müqavilə bağlamayacağıq”.
Ter Ştegen sentyabrın 22-də La Liqanın 6-cı turunda “Vilyarreal”la oyunda (5:1) zədələnib. 32 yaşlı almaniyalının sağ dizinin bud sümüyündə yırtıq diaqnozu qoyulub. Onun sağalmasının təxminən 8 ay çəkə biləcəyi bildirilirdi.