“Barselona”nın idman direktoru Deko komandanın baş məşqçisi Xavi ilə yaxın vaxtlarda yeni müqavilə imzalayacağını bildirib.
İdmanxeber.az-ın məlumatına görə, klub rəsmisi sözləşmənin müddət barədə açıqlama verməyib. O, rəhbərliyin gənc mütəxəssisə güvəndiyini də vurğulayıb.
Xavi 2021-ci ilin noyabrından “Barselona”ya rəhbərlik edir. Onun rəhbərliyi altında kataloniyalılar 2022/23 mövsümündə İspaniya çempionu olub və ölkə Superkubokunu qazanıblar.
Bu mövsüm “Barselona” La Liqada dörd turdan sonra 10 xalla üçüncüdür.