“Real”ın sabiq futbolçusu Qaret Beyl Cud Bellingemin Madrid klubundakı performansına münasibət bildirib.
İdmanxeber.az-ın məlumatına görə, 20 yaşlı ingilis futbolçu İspaniya çempionatında 4 matçda 5 qol vurub və bir məhsuldar ötürmə edib. Uelsli sabiq oyunçu onun barəsində xoş sözlər deyib:
“Bellingem “Real” karyerasına əla başladı. Mən matçları çox izləmirəm, amma o, qol vurdu və mövsümə yaxşı başlayıb. Ümid edək ki, gələcəkdə də belə davam edəcək”.
Beyl 2013-2022-ci illərdə Madrid klubunda çıxış edib. Bu müddət ərzində o, komandanın heyətində 176 oyun keçirib və 81 qola imza atıb.