Müsahibə

“Bəxt bizim tərəfimizdə deyildi” – MÜSAHİBƏ

AZAL-ın futbolçusu Junior Ailton Premyer Liqanın 19-cu turu çərçivəsində keçirilmiş "İnter"lə (2:1) oyundan sonra idmanxeber.com-a müsahibə verib.

– Oyun haqqında fikirlərin..

– Belə çətin oyun olacağını gözləyirdik. Bu gün pis oynamadıq qələbəni də sonlarda əldən verdik. Bəxt bizim tərəfimizdə deyildi.

– İkinci qolu oyunun sonlarında buraxdınız. Komanda artıq arxayn idi ki, bir xal qazanıb.

– Yox, belə bir şey ola bilməz. Rəqib cərimə zərbəsindən fərqləndi, oyunda da yaxşı oynayan tərəf biz idik.

– Necə hesab edirsən, AZAL çempionata hazırdır?

Hazırlığı yüksək səviyyədə keçirdik. Bəli, deyərəm ki, hazırıq. Növbəti oyunlarda da praktiki baxımdan daha da yaxşı olacağıq.

– Heyətinizdə çoxlu dəyişikliklər oldu. 5 futbolçu getdi və 6-7 yeni futbolçu komandaya qoşuldu.

– Komandadan gedənlər barəsində bir şey demək istəmirəm. Çünki bu onların öz fikridir. Komandaya yeni qoşulan futbolçular da təcrübəli futbolçulardır. Məsələn, Turkoviç ilk oyununda fərqləndi. Sadəcə onlara bir az zaman lazımdır.

– İlk dövrədə "İnter"i bu meydanda məğlub edə bilmişdiniz..

– Bəli, o oyunla indiki oyun arasında ciddi fərq yoxdur, hər ikisində daha yaxşı oynayan tərəf biz idik, bu gün bəxtsizlk fərqli cəhət idi.

– Rəqibin baş məşqçisi oyunun ədalətli nəticəsinin "İnter"in qələbəsi olduğunu bildirdi..

– Onun fikrinə hörmətlə yanaşıram.

 


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43