“İrlandiyaya qarşı Dublində yaxşı oyun sərgilədik. Xüsusilə də birinci hissədə. İkinci yarıda matçı idarə etməkdə çətinlik çəkdik və evə üç xalla dönə bilmədik. Əslində bu da bizim üçün inanılmazdır”.
İdmanxeber.az-ın məlumatına görə, bu sözləri Azərbaycan millisinin baş məşqçisi Canni de Byazi DÇ-2022-nin seçmə mərhələsində ötən ay İrlandiya ilə səfərdə 1:1 hesablı heç-heçə etdikləri oyun haqda danışarkən deyib.
O, daha sonra sözlərinə belə davam edib:
“İrlandiyanın qol vurduqdan sonra daha yaxşı oynaya bilərdik. Bir neçə oyunçumuz sadə səhvlərə yol verdi. Ümumiyyətlə, heç-heçənin ən ədalətli nəticə olduğunu düşünürəm. İrlandiya qapıçıdan başlayaraq geridən oynamağa çalışan komandadır. Həm texniki, həm də fiziki cəhətdən yaxşı keyfiyyətlərə malikdir. Amma görünür hələ də tarazlığı tapmayıb”.
Qeyd edək ki, millimiz seçmə mərhələdə növbəti oyununu da İrlandiyaya qarşı keçirəcək. Görüş oktyabrın 9-da Bakı Olimpiya Stadionunda keçiriləcək.