Azərbaycan Premyer Liqasının XXIII turu çərçivəsində keçirilən “Neftçi” – “Zirə” oyunundan sonra (1:0) meydan sahibi komandanın baş məşqçisi Miodraq Bojoviç jurnalistlərin suallarını cavablandırıb:
İdmanxeber.az məlumat verir ki, o, əvvəlcə görüşlə bağlı fikirlərini bölüşüb:
– Oyun çətin keçdi. “Zirə” komanda şəklində oynayır. Bilirdik ki, “Zirə” az qol buraxır. Rza bir neçə epiozdda inamlı oynadı və bizi qollardan xilas etdi.
– İlk müsahibənizdə komandanın yaxşı nəticə göstərməsi üçün 6 həftənin lazım olduğunu bildirmişdiniz. Amma hələ də problemlər qalır. Ümumən, problemlərin həlli üçün nə qədər vaxt lazımdır?
– 28 gündə 7 oyun keçirmişik. Deyə bilərik ki, 4 gündən bir matçımz olub. Komandaya məşqçi təyin olunanda zədəli oyunçular var idi. Konte, Moreno fasilənin bitməsinə 2 gün qalmış komandaya qoşuldu. Qara və Ozobiç çoxdandır oynamırdılar. Tam toparlanmaq üçün vaxt lazımdır.
– Əvəzedici heyət yaxşı çıxış edir. Oradakı oyunçulardan kimisə komandaya dəvət etməyi düşünürsünüz?
– Oyunçularımız çoxdur. Bəziləri bərpa prosesindədir. Keyfiyyətli oyunçularla işləməliyik. Futbolçuya ehtiyacımız olduğu halda dəvət edəcəyik.
– Sizin üçün əsas üç xaldır, ya yaxşı oyun? Aydındır ki, bunların ikisini birlikdə göstərmək çətindir…
– Açığı, “Araz-Naxçıvan” məğlubiyyətindən sonra 3 xal önəmlidir. Bu, komandanın özünə inamını qaytarmasında kömək edəcək.
– Rəqibin vurduğu qolda qayda pozuntusu ilə bağlı fikiriniz nədir? Rəşad Sadıqov həmin epizodda qayda pozuntusunun olmadığını dedi.
– O, mənim həmkarımdır, fikirlərinə şərh verməyəcəm.
– Bu gün “Zirə” oyun planında sizdən üstün idi. Rəqib hesabı erkən açsaydı, sizin üçün nə qədər asan olardı?
– Nəsə demək çətindir. Elə hallar olur ki, son anda belə oyunun taleyin həll etmək olardı. Bəxt amili kimin tərəfinda olacaqdı, o da uğur qazanacaqdı.
“Qarabağ”ın “Braqa” üzərində qələbəsini necə qiymətləndirirsiniz?
– “Qarabağ” Azərbaycan futbolunun nümayəndəsidir. Avropadakı qələbə Azərbaycan futbolunun səviyyəsini qaldırır. Burada işlədiyim müddətdə Avropada çıxış edən Azərbaycan klubunu dəstəkləyəcəm. Amma öz aramızda olan oyunda təbii ki, “Neftçi”nin qələbəsini istəyirəm.