“Şamaxı” Misli Premyer Liqasının XXIII turunda qarşılaşacağı “Kəpəz” matçına ciddi itki ilə çıxacaq.
İdmanxeber.az-a verilən məlumata görə, komandanın aparıcı oyunçusu Belajdi Pusi Gəncə klubuna qarşı oynamayacaq. Buna səbəb onun cəzalı olmasıdı.
Pusi ilə yanaşı, komandanın digər önəmli üzvü Leroy Mikelsin də “Kəpəz”ə qarşı oynayıb-oynamayacağı bəlli deyil. Zədəli olan futbolçunun matçda iştirak edib-etməyəcəyi oyun günü bəlli olacaq.
“Kəpəz” – “Şamaxı” görüşü ayın 17-də, saat 16:00-da start götürəcək.