Gələn il Braziliyada keçiriləcək dünya çempionatına vəsiqə qazanan daha iki komandanın adına aydınlıq gəlib.
Hər iki vəsiqəni Afrika zonasını təmsil edən millilər qazanıb.
Səfərdə Efiopiyanı 3:1 hesabı ilə məğlub edən Nigeriya yığması bu dəfə rəqibini doğma meydanda qəbul edib. 2:0 hesablı qələbə qazanan Nigeriya dünya çempionatına vəsiqəni əldə edib.
Digər matçda isə Fildişi sahili Seneqalla üz üzə gəlib. Oyunda qalib müəyyənləşməyib – 1:1. Ümumi nəticəyə görə, dünya çempionatına yollanan milli Fildişi sahili olub.
Qeyd edək ki, yığmalar arasında ilk oyun Fildişi sahili yığmasının xeyrinə nəticələnmişdi – 3:1.