“Arsenal”ın baş məşqçisi Mikel Arteta yeni mövsümlə bağlı gözləntilərini bölüşüb.
İdmanxeber.az-ın məlumatına görə, ispaniyalı mütəxəssis “Community Shield” kubokunun finalında “Mançester Siti” qələbəsindən sonra yeni mövsümdən ümidli olduğunu və komandasına inandığını bildirib:
“Bu nəticənin çox böyük gözləntilər doğurduğunu bilmirəm. Mən sadəcə bu kuboku mümkün qədər tez əldə etmək istəyirdim və sonra növbəti oyunları düşünə bilərik. Bu gün kubok qazanırsan, amma sabah məşq etməlisən, “Nottingem Forest”lə oyuna düzgün hazırlaşmalısan. Bu, çox fərqli bir oyun olacaq. Kuboku qazanmaq əladır. Ruhumuzu, inamımızı və hər şeyi yüksəldir. Biz sadəcə daha yaxşı oynamaq və qazanmaq istəyirik. Bunu etməliyik”.
“Arsenal” İngiltərə Super Kubokunda “Mançester Siti”ni penaltilər seriyasında (1:1) 5:4 hesabı ilə məğlub edib. Londonlular üçün bu, tarixdə 17-ci Super Kubokdur.