Bu gün UEFA Avropa Liqasında 1/16 final mərhələsinin püşkü atılacaq.
İdmanxeber.az-ın məlumatına görə, Bakı vaxtı ilə saat 16:00-da başlayacaq püşkatma mərasimi ölkəmizdə canlı yayımlanacaq. Belə ki, “CBC Sport” kanalı mərasimi canlı olaraq tamaşaçılara nümayiş etdirəcək.
Qeyd edək ki, püşkatmada turnirin 1/16 final mərhələsinə yüksələn təmsilçimiz “Qarabağ”ın da rəqibinin adına aydınlıq gələcək. Ağdam klubunun potensial rəqibləri isə “Qalatasaray” (Türkiyə), “Lans” (Fransa), “Braqa” (Portuqaliya), “Benfika” (Portuqaliya), “Feyenoord” (Niderland), “Yanq Boyz” (İsveçrə), “Milan” (İtaliya), “Şaxtyor”du (Ukrayna).