“Neftçi”nin futbolçusu Kirilo Petrov Avropa Liqasının birinci təsnifat mərhələsində Moldova “Sperantsa”sı ilə oyun öncəsi fikirlərini bildirib.
İdmanxeber.az-ın klubun saytına istinadən yaydığı xəbərə görə, o, mətbuat konfransında bunları deyib:
“Rəqibin hər hansı cəhətini qeyd etmək istəmirəm. Bu, komanda daxilində sirr olaraq qalsın. Baş məşqçi nəzəri məşğələlərdə bizə rəqibin zəif və güclü nöqtələrini göstərib. Bunu oyun üçün saxlayacağıq”.
Qeyd edək ki, sözügedən görüş sabah Bakı vaxtı ilə saat 21:00-da başlayacaq.