Kateqoriyasız

“Bu, mənim üçün çox vacib idi” – Mahir Emreli

“Çətin matç oldu. Bilirik ki, hər qələbə bizim üçün vacibdir. Oyuna yaxşı başlamadıq. Düşünürəm ki, buraxılan qoldan sonra nəzarəti ələ aldıq, yaxşı oynamağa başladıq. İkinci hissədə qolumuzu vurduq”.

İdmanxeber.az-ın məlumatına görə, “Dinamo”da çıxış edən azərbaycanlı futbolçu Mahir Emreli deyib.

Ötəngünkü oyunda qol vuran 24 yaşlı hücumçu Xorvatiya çempionatının “Riyeka” ilə oyunundan sonra (2:1) klubun rəsmi “feysbuk” səhifəsinə açıqlama verib. Mahir komandasına kömək edə bildiyi üçün xoşbəxt olduğunu deyib:

“Dinamo”da ilk qolumu vurduğum üçün xoşbəxtəm. Bütün azarkeşlərimizi təbrik edirəm. Şükürlər olsun ki, qol vura bildim. Bu, mənim üçün çox vacib idi. Bütün komanda yoldaşlarıma, məni dəstəkləyənlərə, məşqçilər heyətinə təşəkkür edirəm. İşləməyə davam edəcəyik. İrəlidə vacib oyunlar var. Növbəti matçlara hazırlaşacağıq”.

Mahir Emreli komandasının “Riyeka” ilə oyunda ilk qolunu vurub.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43