“Uzun müddət ağır zədəm var idi. Artıq “Səbail”dəyəm”.
İdmanxeber.az-ın məlumatına görə,bunu APA TV-nin “Günün yarısı” verilişinə açıqlamasında “Səbail”in qapıçısı Kamran Ağayev deyib.
Azərbaycan millisinin sabiq qolkiperi uzun fasilədən sonra futbola qayıdışından danışıb. Kamran bildirib ki, əvvəlki formasını bərpa etməsə, karyerasını bitirəcək:
“Müqavilə bağlayanda baş məşqçimizə dedim ki, əvvəlki formamı bərpa etməsəm, heç vaxt qapıda durmayacam. Bu gün bu çəkidə də oynaya bilərəm. Amma bu oynamaq yox, sürünməkdir. Formaya düşməsəm, karyeramı bitirəcəyəm”.