Kateqoriyasız Ölkə futbolu

“Bunun səbəbini bilmirəm” – “Kəpəz”in futbolçusu

“Sonuncu dəfə “Qəbələ” ilə səfər matçında meydana çıxmışam. Bir neçə həftədir ki, oynamıram. Bunun səbəbini bilmirəm. Baş məşqçinin qərarıdı və hörmətlə yanaşıram”.

Bu sözləri İdmanxeber.az-a açıqlamasında “Kəpəz”in futbolçusu İbrahim Qədirzadə deyib.

23 yaşlı yarımmüdafiəçinin Gəncə klubu ilə müqaviləsi yayda başa çatır. Qədirzadə yeni təkliflərin olmadığını bildirib:

“Hələ ki, hər hansı bir təklif yoxdu. Mövsümün əvvəlində 3-4 təklif va idi. Gərək oynayasan ki, təkliflər də olsun. Hazırda heç bir klubla danışıq aparmıram. Mövsümün sonunu gözləyirəm”.

“Kəpəz” 19-cu turda “Neftçi-2″nin qonağı olacaq. İbrahim Qədirzadə sabiq komandasına qarşı oyunda uğur qazana biləcəklərini bildirib:

“Hal-hazırda vəziyyət elədir ki, bundan sonra bütün oyunları gərək udaq. Çoxlu xal itirdik. İnşallah “Neftçi” ilə oyunda qələbə qazanaraq həm azarkeşlərimizi sevindirərik, həm də turnir cədvəlindəki mövqeyimizi möhkəmləndirərik”.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43