“Birbaşa Bakı” minifutbol üzrə UEFA Çempionlar Liqasında 1/4 final mərhələsinə vəsiqə qazanıb.
İdmanxeber.az-ın məlumatına görə, komanda 1/8 finalda Azərbaycanın digər təmsilçisi “AzNur”la üz-üzə gəlib.
Qarşılaşma “Birbaşa Bakı”nın minimal hesablı qələbəsi ilə bitib – 1:0.
Qeyd edək ki, daha əvvəl “AzNur” C qrupunu 5 xalla üçüncü pillədə başa vurub. Eyni xalı toplayan “Birbaşa Bakı” isə E qrupunda lider olub.