"Qarabağ"ın futbolçusu Corc Leroyun idmanxeber.com-a müsahibəsi:
– "Qəbələ"yə məğlub olaraq, kubokdan əlinizi üzdünüz…
– Məğlub olmaq istəmirdik. İkinci hissə oyunu dəyişdirmək üçün şanslarımız da oldu. Onu vurğulayım ki, rəqib bizim oyunumuzu yaxşı təhlil etmişdi və müdafiədə heç bir boşluğa yaratmadılar. Çox üzgünəm
– İki mövqedə mübarizə aparmaq çətin olur. Artıq diqqətinizi çempionata yönəldəcəksiniz. Bu baxımdan uduzmağınızı yaxşı hal saymaq olar?
– üşünmürəm ki, bu yaxşıdı. Kimi istəməz ki, iki cəbhədə də mübarizə aparsın. “Qəbələ” ilə oyunda belə böyük səhvə yol verməməli idik. Amma indidən sonra yalnız çempionat haqqında düşünməliyik.
– Oyunda böyük səhvlər etdiyinizi dediz. Harda səhvlər etdiniz?
– Əgər bunu bilsəydim, inanın ki, sizə izah edərdim. Alınmadı bu gün, bəxtimiz gətirmədi. Başqa heç nə bilmirəm.
– Hollandiyada sabiq komanda yoldaşınız olmuş Melvin Platye “Neftçi”dən ayrıldı. Bunu bilirsiniz?
– Əlbəttə.
– Əlaqə salamısız onunla? O, özünü “Neftçi”də göstərə bilməməyinin səbəbini nədə görür?
– Bəli, görüşmüşəm. O, yaxın dostumdur. Ancaq siz bunu özündən soruşsanız, o daha yaxşı cavab verər. Mən yalnız özüm haqqında nəsə deyə bilərəm. Ümid edirəm ki, Platye orada özünü yaxşı tərəfdən göstərəcək.