“Liverpul”un baş məşqçisi Yurgen Klopp komandasının hücum xətti barədə danışıb.
İdmanxeber.az-ın məlumatına görə, almaniyalı çalışdırıcı heyətdə çox yaxşı futbolçuların olduğunu bildirib. O, “Liverpul”un hücumçusu Darvin Nunes barədə xoş sözlər söyləyib:
“O, digər oyunçulardan seçilir. Fərqli bacarığa sahibdir. Ancaq Darvin hələ də komandaya, sistemə uyğunlaşmağa çalışır. Bir müddət sonra daha fərqli çıxış edəcək”.
23 yaşlı uruqvaylı ötən yay “Benfika”dan “Liverpul”a keçib. Həmin vaxtdan o, komandanın heyətində 37 oyuna 15 qol vurub və 4 məhsuldar ötürmə verib.