“Roma”nın futbolçusu Paulo Dibala Səudiyyə Ərəbistanından gələn təklifdən imtina edib.
İdmanxeber.az-ın məlumatına görə, 31 yaşlı oyunçunun xidmətində “Əl-Kadisiya” klubu maraqlı olub. Ərəblər Dibalaya 4 illik müqavilə və ümumilikdə 100 milyon avro maaş təklif edib.
Ancaq argentinalı futbolçu bu təklifə müsbət yanaşmayıb. O, “Roma”da qalmağa üstünlük verib.
“Transfermarkt” portalı futbolçunun dəyərini 20 milyon avro qiymətləndirir.