Dorinel Munteanu: “Araz Naxçıvan”ın itirəcəyi bir şey yoxdur”

Topaz Premyer Liqasının 10-cu turunda keçirilən oyunda “Qəbələ” səfərdə “Araz Naxçıvan”ı 1-0 hesabı ilə məğlub etdi.

İdmanxeber.com-un məlumatına görə, “Qəbələ”nin baş məşqçisi Dorinel Munteanu matçdan sonra bunları deyib:

“Mən bilirdim ki, oyun çətin keçəcək. “Araz Naxçıvan” çətin rəqibdir. Düşündüyümüz oldu. “Araz Naxçıvan”ın itirəcəyi bir şey yoxdur. Belə rəqiblər təhlükəli olur. Bütün bunlara baxmayaraq, biz 3 xal qazana bildik. Layiqli qələbə qazandıq.  Oyun həyəcanlı keçdi. Əgər biz əlimizə düşən imkanların daha bir neçəsindən yararlansaydıq,  oyunu sakit izləyə bilərdik”.