Türkiyə Superliqasının sonuncu turunda “Qalatasaray” doğma azarkeşlər önündə “Torku Konyaspor”u 2:1 hesabı ilə məğlub edib.
Ev sahibi komandanın futbolçusu Droqba birinci hissənin sonunda vurduğu qolu komanda yoldaşına həsr edib.
Belə ki, oyunun gedişatında kobud səhvləri ilə yaddan qalan “Cim-Bom”un uruqvaylı qolkiperi Fernando Muslera komanda yoldaşının ona verdiyi ötürmədən sonra kobud səhvə yol verib. Qapıçının bu səhvini bağışlamayan “Torku Konyaspor” hesabda 1:0 önə keçib.
İlk hissənin artırma dəqiqələrində qol vuran Droqba hesabı bərabərləşdirib 1:1. Vurduğu qoldan sonra komanda yoldaşı Musleranın yanına gedən ulduz futbolçu ona dəstək olub və birlikdə soyunub-geyinmə otağına yollanıblar.