Yayda keçiriləcək “Avro-2016” və Amerika Kubokunda futbol qaydalarında ciddi dəyişiklik olacaq.
İdmanxeber.com-un məlumatına görə, Beynəlxalq Futbol Assosiasiyası Şurasının (IFAB) ötən gün keçirilən toplantısında futbol qaydalarına bir çox yeniliklər edilməsi ilə bağlı qərar verilib.
Bu barədə xəbəri FIFA-nın rəsmi saytı yayıb. Xəbərdə bildirilir ki, bu turnirlərdə “üçqat cəza” qaydası tətbiq olunmayacaq.
Qapıçı və ya müdafiəçi adi mübarizə şəraitində penaltiyə səbəb olarsa, ona qırmızı deyil, sarı vərəqə göstəriləcək. Xüsusi kobudluq hallarında isə qırmızı vərəqə cəzası qüvvədə olacaq. Bu barədə FIFA prezidenti Canni İnfantino məlumat verib.
O, bildirib ki, bu qaydalar iyunun 1-dən qüvvəyə minəcək və ilk dəfə AVRO-2016-da və Amerika Kubokunda istifadə olunacaq.