Azərbaycan Premyer Liqasının 1-ci turunun “Sabah” – “Qəbələ” oyunundan (5:0) sonra “qırmızı-qaralar”ın baş məşqçisi Elmar Baxşıyevin mətbuat konfransı keçirilib.
İdmanxeber az sizi 43 yaşlı mütəxəssisin fikirləri ilə tanış edir:
“Komanda şəklində çox zəif oynadıq. Belə olacağını gözləmirdik. Amma birinci turdur. Bu görüşü düzgün analiz etməli və qarşıdakı matçlara hazırlaşmalıyıq. Səfərdən sonra bərpa olunmaq ağırdır. Düşünürəm ki, bu da futbolçulara təsir edir. Keçirdiyimiz ən zəif oyun idi. Toplanışda da komandada dinamika görürdüm. Bu gün çox yorğun idilər. Getdikcə meydanda daha yaxşı komanda görəcəyik. Məğlubiyyət qaçılmazdır. Hər komandanın başına gələ bilər. Ümidsiz deyilik. Çalışacağıq ki futbolçuları qarşıdakı matçlara hazırlayaq”.