“Araz Naxçıvan” klubu növbəti mövsümün planlamasına başlayıb.
İdmanxeber.az-ın əldə etdiyi məlumata görə, Naxçıvan təmsilçisi “Qəbələ”nin futbolçusu Mehrac Baxşalını heyətinə qatmaq istəyir. Tərəflər arasında oyunçunun transferi ilə bağlı danışıqlar başlayıb.
“Araz Naxçıvan”ın baş məşqçisi Elmar Baxşıyev rəhbərlikdən sabiq futbolçusunun alınmasını tələb edib. 20 yaşlı oyunçu Baxşıyevin dönəmində “Qəbələ”də əsas heyətdə yer alsa da, Kaxaber Tsxadadzenin gəlişindən sonra əvəzedici komandaya göndərilib.
Növbəti mövsümdən I Liqada çıxış edəcək bölgə təmsilçisi hələlik bu transferə müsbət yanaşmır. Rəhbərlik gənc oyunçuları komandada saxlayıb, yenidən elitaya yüksəlmək istəyir.
Ancaq karyerasını Premyer Liqada davam etdirmək istəyən yarımmüdafiəçi “Qəbələ”dən ayrılmaq niyyətindədi.
Mehrac Baxşalının “qırmızı-qaralar”la 3 illik müqaviləsi var. O, eyni zamanda U-21 millimizin də formasını geyinir.
Həsən Quluzadə