Milli komandamızın sabiq üzvü Elvin Yunuszadənin yeni komandası bəlli olub.
İdmanxeber.az-ın əldə etdiyi məlumata görə, bir müddətdir “Sabah”ın düşərgəsindən ayrılan müdafiəçi “Səbail”lə razılığa gəlib. 26 yaşlı futbolçu bu gün komandası ilə ilk məşqinə də çıxıb. Rəsmi açıqlamanın gün ərzində olacağı gözlənilir.
Qeyd edək ki, paytaxt təmsilçisinin Elvin Yunuszadə ilə 1,6 illik müqavilə bağladığı bildirilir.