Azərbaycan I Liqasında mübarizə aparan “Cəbrayıl” komandasında ciddi maliyyə problemi var.
İdmanxeber.az-a verilən məlumata görə, Qarabağ təmsilçisində sponsor olmadığı üçün vəziyyət yaxşı deyil. Futbolçuların az olan maaşları belə ödənə bilmir.
Qarşıdakı günlərdə komandaya yeni sponsorun gəlməsi də inandırıcı görünmür. Bu səbəbdən oyunçular artıq komanda axtarışına başlayıb.
Rəhbərlik çıxış yolu kimi gənc və təcrübəsiz futbolçulara üstünlük verməyi planlaşdırır. Ancaq baxışa dəvət edilib və bəyəniləcək futbolçuların da maaşlarının necə ödənəcəyi sual altındadı.
Heyətin əsas üzvləri böyük ehtimalla çempionatın ikinci dövrəsində komandada qalmayacaq.