Gəncədə “Kəpəz” üçün yeni stadion tikintisinə başlanılacaq.
İdmanxeber.az-ın əldə etdiyi məlumata görə, “Kəpəz” – “Səbail” oyununu izləyənlər arasında tanınmış inşaat şirkətlərinin birinin rəhbər şəxsləri də yer alıb. Onların yeni stadion üçün elan olunacaq tenderdə qalib gəlmək ehtimallarının kifayət qədər yüksək olduğu bildirilir.
Sözügedən şirkət hazırkı köhnə stadionun söküntü işləri ilə məşğul olacaq. Çalışmaların mövsüm sonu başlayacağı gözlənilir.
Yeni stadion təxminən 15 minə yaxın azarkeş tutumuna malik olacaq. Arena hazırkı köhnə stadionunun yerində inşa ediləcək.
Bununla yanaşı, yeni tikiləcək stadionda bəzi maraqlı detallar da var. Belə ki, hazırda Gəncə şəhər stadionunda yer alan qaçış zolağı yeni arenanın tikintisində nəzərdə tutulmayıb.
Yeni tribunların meydana daha yaxın tikiləcəyi bildirilir. Mövsüm sonu start götürəcək çalışmarda köhnə stadionun hissə-hissə sökülməsi də planlaşdırılır.