İkinci dövrənin hazırlıqlarına ara vermədən davam edən “Araz-Naxçıvan” PFK yarımmüdafiə xətti üçün daha bir keçidi reallaşdırıb. Belə ki, ötən mövsümün ilk yarısını “Şuşa”da keçirən Tərlan Xəlilov komandaya cəlb olunub. 29 yaşlı futbolçu ilə 1 illik müqavilə imzalanıb. Qeyd edək ki, 1984-cü il avqustun 27-də Bakıda doğulan Tərlan Xəlilov Azərbaycanın “Gənclərbirliyi”, “Bakı”, “Rəvan”, AZAL kimi komandalarında top qovub.