Bakıda səfərdə olan Uels millisinin baş məşqşisi Rayan Giqqz bu gün Tofiq Bəhramov adına Respublika stadionu və “Azərsun Arena”da olub.
İdmanxeber.az-ın məlumatına görə, o, hər iki arena ilə yaxından tanış olub. Giqqz ziyarət zamanı “Qarabağ”ın baş meneceri Asif Əsgərovla görüşüb. Ona Ağdam klubunun 11 nömrəli forması hədiyyə olunub.
O, sonda komandanın baş məşqçisi Qurban Qurbanovla da görüşüb və qısa fikir mübadiləsi aparıb.
Gqqz AVRO-2020-nin A qrupunda Türkiyə və İsveçrə millilərinə qarşı Bakı Olimpiya Stadionunda keçiriləcək oyunlarla əlaqədar Azərbaycana gəlib. Onun başçılıq etdiyi nümayəndə heyəti otellərə və stadionlara baxış keçirəcək, infrastrukturla tanış olacaqlar.
