Premyer Liqanın VIII turu çərçivəsində öz meydanında "Qarabağ"la qarşılaşacaq "Neftçi" sözügedən oyunun hazırlıqlarına start verib.
Paytaxt klubunda derbi öncəsi ciddi itki yoxdu. Bu barədə idmanxeber.com-a “Neftçi” klubunun İctimaiyyətlə Əlaqələr Departamentinin rəhbəri Gündüz Abbaszadə deyib.
Paytaxt klubunun rəsmisi bildirib ki, yalnız Bahodir Nasimov zədəlidi və onun oyun gününə kimi sağalıb-sağalmayacağı sual altındadı.
"Hələ heç nə məlum deyil. Nasimovun "Qarabağ"la oyunda oynayıb-oynamayacağı bilinmir. Nasimovdan başqa heç bir itkimiz yoxdu. Bertuççi və Ramos da artıq sıraya dönüb".
Qeyd edək ki, sözügedən qarşılaşma sentyabrın 28-də, "Bakcell Arena"da keçiriləcək.