08 Avqust 2022
Kateqoriyasız

“Heç vaxt favorit olduğumuzu deməmişəm” – Qurban Qurbanov

Çempionlar Liqasının I təsnifat mərhələsində “Lex”lə qarşılaşacaq “Qarabağ”ın baş məşqçisi Qurban Qurbanovun mətbuat konfransı baş tutub.

İdmanxeber.az xəbər verir ki, mütəxəssis sabahkı matçla bağlı bunları deyib:

“Bizi çox çətin oyun gözləyir. İlk dəqiqələrdən diqqətli olmalıyıq. Yaxşı oyun göstərməliyik. Bu matça hazırlaşmaq üçün vaxtımız az oldu. Buna baxmayaraq, komandada durum normaldır. Futbolçuların hamısı sağlamdır. Sadəcə, bir az zamana ehtiyacımız var. İstər-istəməz tam hazır ola bilmərik.

Bundan əvvəl “Legiya”ya qalib gəlmişdik. Həmin görüş də asan keçməmişdi. “Lex” meydanda fərqli hücumlar sərgiləyir. Amma biz daha çox öz oyunumuz barədə düşünürük. Hər komandanın özünəməxsus oyun tərzi var. Çox çətin olacaq”.

Təcrübəli baş məşqçi şansların bərabər olduğunu vurğulayıb:

“Heç vaxt favorit olduğumuzu deməmişəm. Hər zaman öz oyunumuza önəm vermişəm. “Lex” ilboyu avrokuboklar səviyyəsində matçlar keçirir. Çünki Polşa çempionatının səviyyəsi olduqca yüksəkdir. Bu matçda favorit yoxdur. Sadəcə, futbolçularımı sonadək mübarizə aparmağa kökləmişəm. Rəqibə hörmətlə yanaşıram. İş prinsipləri, oyunçuları ilə maraqlanmışam. Ona görə də kimisə zəif saymaq istəmirəm. Sabah iki yaxşı komanda mübarizə aparacaq. Nəticəni sonda görəcəyik”.

Sabah Poznandakı eyniadlı arenada baş tutacaq “Lex” – “Qarabağ” matçına Bakı vaxtı ilə saat 22:00-da start veriləcək. Cavab qarşılaşması 1 həftə sonra Bakıda keçiriləcək.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43

Related posts

Azarkeşləri “Qarabağ”ı lider, “Qəbələ”ni autsayder etdi

admin

“Qarabağ” Şotlandiyada belə qarşılandı – VİDEO

admin

“Turan Tovuz”un səfər qələbəsi – Video

admin