Konfrans Liqasının II təsnifat mərhələsində “Qəbələ”nin rəqibi olan “Fehervar”ın baş məşqçisi Mixael Boris açıqlama verib.
İdmanxeber.az xəbər verir ki, Macarıstan mətbuatına danışan 47 yaşlı mütəxəssis Azərbaycan təmsilçisi ilə keçirəcəkləri oyunlar barədə fikirlərini bildirib:
“İlk hədəfimiz “Qəbələ”ni keçməkdir. Hələ ki, bundan uzağa baxmağa dəyməz. “Qəbələ”ni məğlub edənə qədər, növbəti mərhələdəki komandaların keyfiyyətindən danışmaq ayıbdır.
Məcburi sözü futbolda getdikcə əhəmiyyətini itirir. İngiltərə öz meydanında Macarıstanı məğlub etməli deyildimi? Oyunlara ciddi hazırlaşırıq. İyul ayındakı matça kimi nümayəndələrimizdən biri rəqibi izləyəcək ki, bacardıqca yaxşı hazırlaşaq. Komanda şəklində futbol oynasaq və heyətə xas olan keyfiyyəti göstərə bilsək, qalib gələcəyik”.