Pep Qvardiola “Mançester Siti”nin “Arsenal” üzərindəki qələbəsindən (3:1) danışıb.
İdmanxeber.az-ın məlumatına görə, Premyer Liqanın 12-ci turunun təxirə salınmış oyununda “şəhərlilər” səfərdə “topçular”la qarşılaşıb. Görüş “Mançester Siti”nin qələbəsi ilə başa çatıb:
“Birinci hissədə “Arsenal” bizdən qat-qat üstün idi. Kifayət qədər aqressiv oynamadıq. Daha sonra yaxşıya doğru nələrisə dəyişə bildik. Fasilədən sonra daha aqressiv çıxış etdik. İkinci hissənin ilk dəqiqələrindən rəqibə xeyl pressinq edib onları sıxışdırdıq. Onları mümkün qədər cərimə meydançamızdan uzaq tutmağı çalışırdıq. “Arsenalın” təhlükəli futbolçularına nəzarət etmək heç də asan deyil”.
Qeyd edək ki, aktivində 51 xalı olan hər iki komanda turnir cədvəlində 1-2-ci yerləri bölüşürlər.