UEFA Avropa Liqasının ikinci təsnifat mərhələsi çərçivəsində “İnter”in rəqibi İsveçin “Elfsborq” klubu oldu.
İdmanxeber.com-un klubun rəsmi saytına istinadən yaydığı xəbərə görə, hər iki görüşün başlama vaxtları UEFA tərəfindən açıqlanıb.
İlk matç iyulun 17-də İsveçdə “Boras Arena”da baş tutacaq və bu qarşılaşma Bakı vaxtı ilə saat 21:00-da başlayacaq. Bir həftə sonra – iylun 24-də komandalar “Şəfa” stadionunda üz-üzə gələcək. Həmin oyun da saat 21:00-da start götürəcək.
Xatırladaq ki, turnirin birinci təsnifat mərhələsində “İnter” Moldovanın “Tiraspol” komandasını hər iki oyunda məğlub edib.