İspaniya 2-ci liqasında 20-ci turun oyunları keçirilib.
Millimizin yarımmüdafiəçisi Eddi İsrafilovun formasını geyindiyi “Albasete” də növbəti matçına çıxıb.
Sözügedən kollektiv doğma meydanda “Malaqa” ilə qarşılaşıb. Futbolçumuzun komandası bu oyundan heç-heçə ilə ayrılıb – 1:1.
İsrafilov da bu oyunun iştirakçısı olub. O, start heyətdə meydana çıxıb və sonadək mübarizə aparıb.
“Albasete” 20 oyuna topladığı 15 xalla 22 iştirakçı arasında sonuncu pillədə qərarlaşıb.