“Yuventus” Avropa Liqasının 1/4 final mərhələsinin cavab oyununda “Sportinq”lə heç-heçə edib (1:1).
İdmanxeber.az-ın məlumatına görə, ilk matçı evdə 1:0 hesabı ilə qazanan Turin klubu növbəti mərhələyə yüksəlib. Bununla da “Yuventus” 22-ci dəfə avrokuboklarda yarımfinala vəsiqə qazanıb.
Bu, İtaliya klubları arasında ən yaxşı göstəricidir.
Bu sahədə üstünlük “Real”dadır. Madrid təmsilçisi tarixində 37 dəfə avrokuboklarda yarımfinala yüksəlib. İkinci “Bavariya” (28), üçüncü isə “Barselona”dır (26).
“Yuventus” Avropa Liqasının yarımfinalında “Sevilya” ilə qarşılaşacaq.