Avroliqanın pley-off mərhələsinin cavab oyunu çərçivəsində “Partizan”ı qonağ edəcək “Neftçi”nin futbuoçusu Julius Vobay klubun rəsmi saytına açıqlama verib.
İdmanxeber.com-un məlumatına görə, təcrübəli futbolçu matç haqqında bu fikirləri söyləyib:
“Bu mərhələdə asan rəqib olmur. “Partizan”la səfər görüşünə yaxşı başlasaq da, sonradan bəxt bizdən üz döndərdi. Serbiyada 2 qol vurmuşuq və bizi doğma stadionda minimal hesablı qələbə də qane edəcək. Komanda olaraq hamımız yalnız qələbə haqqında düşünürük. Tarixi uğurumuzu təkrarlamaq və qrup mərhələsinə adlamaq istəyirik. İnanıram ki, burda böyük azarkeş dəstəyinin köməyi ilə məqsədimizə nail olacağıq. 12-ci oyunçunun gücünü sabah hiss etmək istəyirik”.