Braziliyanın “Flamenqo” klubu “Qarabağ”ın hücumçusu Olavio Juninyonu transfer etməkdə israrlıdı.
İdmanxeber.az-ın məlumatına görə, Braziliya təmsilçisinin “sambaçı”ya təklif etdiyi maaş məlum olub.
Xarici KİV yazır ki, 28 yaşlı hücumçu ilə aylıq 700000 Braziliya realı (təxminən 206000 manat) qarşılığında şifahi razılıq əldə edilib.
“Qarabağ”n isə bu keçiddən 4 milyon avro qazanacağı da qeyd olunub.
Xatırladaq ki, Juninyo 2023-cü ildən “Qarabağ”ın formasını geyinir.