“Kəpəz” heyətinə daha bir futbolçu qata bilər.
İdmanxeber.az-a verilən məlumata görə, Gəncə təmsilçisi “Səbail”in sabiq futbolçusu Ədilxan Qaraəhmədovu baxışa dəvət edib. Məşqçilər heyəti oyunçunun çıxışından razı qalsa, onunla müqavilə imzalanacaq.
Xatırladaq ki, 22 yaşlı futbolçu mövsümə I Liqa təmsilçisi “İrəvan”da başlasa da, klubda yaranan maliyyə problemləri səbəbindən oradan ayrılmışdı. Futbolçu ötən mövsümü “Səbail” klubunda keçirib.