“Krasnodar”ın yarımmüdafiəçisi Kadi Borges Macarıstanın “Ferentsvaroş” klubuna keçib.
İdmanxeber.az xəbər verir ki, bu barədə klubun rəsmi saytı məlumat paylaşıb. Paylaşımda “Kadiyə xidmətləri üçün təşəkkür edirik və ona gələcək karyerasında uğurlar arzulayırıq!” – deyə, bildirilib.
28 yaşlı braziliyalı ötən ilin yanvarından “Krasnodar”da çıxış edir. O, komandanın heyətində 44 oyun keçirib, 7 qol vurub və iki məhsuldar ötürmə edib.
Xatırladaq ki, bir müddətdi braziliyanın adı “Qarabağ”la hallanırdı.